^
^
24 ساعه من الوحدة , و الإختلاء , حبس النفس قبل حبس الجسد
السجن لـ عِدة سنوآت ليست بالبسيطة , سنوآت من حياتك مُتعطلة
أهلك - أصدقائك - أحبابك !
والأشياء اللي تتغير في العالم من خلآل السنوآت اللي تقضيها وأنت محبوس في غرفة
والأمر الآكبر هو بعد خروجك !
يجب أن تُـعيد ترتيب حياتك من جديد .. إذا خرجت من جحيم السجن
تعودنا نسمع بـ العشر و العشرين سنه .. حتى أصبحت مُتدآولة ولآ تهمنا
كأنها يومين أو ثلآثة .. لكن لو تفكر فيها بنفسك ؟
تخيل نفسك محبوس في غرفة 10 سنوآت ,, كم ساعه ؟ كم يوم ؟ كم شهر ؟
هي بالتأكيد اشياء ستجعلك تفكر في الحماقات اللتي فعلتها في دقائق معدودة
/
\
اللي خلآني أتطرق لهذا الموضوع
بالأمس القريب .. كنت معزوم في أحد المناسبات
وكان بجنبي شخص بالعقد الثالث من العمر .. ملتحي وباين عليه الألتزآم
طبعاً انا جاي كـ نوع من التوجيب لآ أكثر .. وكنت أنتظر يجي وقت العشاء
عشان على طول اطلع
وهالشخص [ الملتزم ] ماكان بيني وبينه أي معرفه سابقة
لكن بحكم اننا بعزيمة رسمية .. صعبه تجلس كل الوقت ساكت
كنت كل شوي أشوف الساعة .. لأني مستعجل على الخروج
فـ شديت إنتباهه !
وقال وهو يمزح :: شكلك جوعان
ضحكت وقلت له :: ايه أنتظر وقت العشاء .. بس عشان أطلع
والصرآحه ماكان عندي شغل أو مشوآر وقتها
بس كنت ابي اطلع من جو الرسميات لآ أكثر ولآ أقل
,
المُهم انه كانت هذي نقطة بدآية حديثنا .. فـ بدأ ينصح ويتكلم
وكآن مُجمل كلآمه ::
الشباب دايم ماعندهم وقت الا فقط للإسترآحات والكورة والاشياء العادية
وماعندهم إستغلآل للوقت .. ويجب أن نهتم بـ أنفسنا عن المغريات والفتن
وما إلى ذالك ..
الصرآحه إرتحت له نفسياً .. وبديت أتعمق معه بالكلآم
فـ كآن المغزى من كلآمه ونصائحه لي سابقاً !
لأنه عضو في ( لجنة رعاية السجناء والمُفرج عنهم )
ولأنه كثير مايروح هناك .. فـ يشوف مأسي كثيرة للمساجين
وهم من شريحة الشباب
أغلب الناس تعتبرهم | منبوذين | .. لأنهم مجموعة مُجرمين خارجين عن القانون
لكن الصحيح !
كثيير منهم .. يسجن على ديوون .. او قتل غير عمد كـ حوآدث السيارات
أو اشياء من غير قصد .. أو نزوة عابرة < على حد قوله !
لأنهم أولاً وأخيراً .. بشر مثلنا .. عندهم احاسيس ومشاعر
فـ دآئماً نظلمهم .. ونشوفهم بعين الكرهـ
لآ أحد يزوجهم - ولآ أحد يوظفهم - ولآ أحد يُحسن إليهم
شباب بعمر الزهور .. يقضون مُعظم حياتهم خلف قضبان الحديد
وقد يتعرض بعضهم إلى تحرشات جنسية من قبل بعض ضعيفين الأنفس
منهم ضعيفين الأنفس ؟
80% من المساجين من عامة الناس .. أشخاص طبيعين وهم الأغلبيه
20% من المساجين هم من أصحاب [ السوآبق ] ملفاتهم كلها جرآئم
ترويج مخدآرت - سرقات .. فيهم مرض نفسي وهم اللي يدعثون بالأرض فساد مالهم ذمة ولآ ضمير
ولأن في السجون يكون فيه الأختلآط الطيب مع الفاسد !
فـ يتعرضون للإبتزآز والتحرشات والإضطهاد
,
كان كلآمه لي وآقعي .. وإلى الأن له صدى وتأثير عندي
لكن للأسف قاطعو كلآمنا بقولة :: [ حياكم الله على العشاء ]
ومن بعدها قمت وصافحته
وضغط على ايدي وقال وهو يبتسم :: لاتنسى استغلو أوقاتكم بالشي الطيب والمفيد
وتوجه لصالة الطعام .. وانا لبوآبة الخروج
لكن إلى الآن افكر بكل كلمه قاله لي !
حتى أسمه والله ماعرفه .. بس عسى الله يكثر من أمثاله ويوفقه دنيا وآخرهـ
.gif)
.gif)
.gif)